李施嬅親親鯊魚：好過拍拖！

李施嬅熱愛潛水，直認在海底世界很舒服。

施嬅接受訪問時說：「其實有啲鯊魚好難見，好似虎頭鯊，我只係見過一次，而鯊魚亦係愈嚟愈少。海洋係需要鯊魚維持一個自然生態，自己都想教育一下。」她不吃魚翅，又指鯊魚其實有很多毒素，吃了會有害，希望能將這個訊息傳遞出去，告訴更多人，宣揚一下，她說：「啲鯊魚喺海底其實好寧靜，佢哋好似有種能量一樣，我情願喺海底同啲鯊魚共度一日，好過拍拖！真係好享受(口架)！」

點菜要諗諗

她享受和鯊魚一起，就連之前過生日，都選擇「出走夏威夷」，到海底世界跟多條鯊魚「歡度」，有多年潛水經驗的她，見過數千條鯊魚，但從沒受過襲擊，她說：「依家好多鯊魚、藍鰭吞拿魚、Manta Rays（魔鬼魚）等等就嚟絕種。希望大家下次點菜時，真係要諗吓係咪有需要食就嚟絕種嘅海洋生物。」

李施嬅與鯊魚同游，甚為寫意！

李施嬅早前到美國出席保育海洋活動。