朱晨麗炒車大爆炸
無綫小花朱晨麗（朱朱）主演的新劇《特技人》將於下周播映，她與譚俊彥、林師傑及羅浩銘等猛男合作，可謂巾幗不讓鬚眉！甫開場她已有重頭戲，劇情交代做女特技人的她拍攝時因失誤令車輛翻側，眾人落力搶救新加入團隊的新丁，車輛數秒後卻突然發生大爆炸，相當驚險！
談到這場爆破戲，朱朱坦言當時感害怕：「我真係好驚，因為唔知爆炸實際情況會點樣，工作人員有派耳塞畀我哋護耳，但身體唔能夠用保護墊。我知道爆炸點好接近自己，可能只隔開兩、三個身位，擔心有意外嘅話可能會燒傷！」由於爆炸場面只可拍一次，台前幕後事前多次排練，拍攝由半夜開始，收工時已接近清晨，朱朱說：「正式拍攝時內心相當忐忑，我哋嘅表現絕對係發自內心，相信當時反應一定係最自然！」