阿叻寸睇唔起TVB冇佢阻住仲好！

與志偉分屬好友的陳百祥（阿叻），最近在橫店拍電影，提到志偉早前為ViuTV「講波」兼拉隊飛俄羅斯睇世盃一事，明剃無綫眼眉，阿叻表示：「我點敢去呀！我係無綫親生仔，流着TVB血o架，我跟埋去就唔使撈啦！（勸吓志偉？）冇啦。（佢同無綫關係唔好喎！）仲好啦！冇咗佢喺度阻住我，今年港姐咪我做囉！因為我同無綫一年簽一騷，我唔做港姐就冇嘢做！（你同志偉都係無綫Icon？）我係咋，我係無綫養大嘅，佢就係幫無綫打仗攞收視。（但今年港姐好似冇志偉？）佢唔做啫！佢睇唔起TVB嘛！」