美國新一代吸金女王Kylie Jenner事業得意，但愛情失意！多次遇到戀情挫折的她，最近被小報爆與歌手男友Travis Scott已分手，更指Travis上星期被Kylie趕離酒店！
年僅20歲的美國真人騷女星Kylie Jenner，早前打入國際財經雜誌《福布斯》（Forbes）「年度百大最高收入娛樂家」第3位，年賺近13億港元！可惜，她的情路不如「錢」途般愜意！據爆料者指Kylie與Travis近日經常鬧交，其中一次於上星期發生，當時二人駕車前往洛杉磯一間餐廳醫肚，抵埗後，二人在車廂內爭執，其後進入餐廳內用膳，僅逗留45分鐘就離開，返回酒店後再吵多鑊，最後搞到Travis執晒衫孭住背囊嬲爆爆咁走！有目擊者爆料指Travis氣沖沖急步離開，快到連其保鏢都冇為意，之後才追上，更指他是被Kylie趕走！至目前為止，雙方未有就此事回應。
查實早前Kylie與Travis上男士雜誌《GQ》封面時，曾表示過Travis初時不太適應她家族（Kardashians）的「真人騷生活」：「我相信佢唔係好鍾意，不過我哋愛對方，而我哋亦已有家庭，佢只好面對！但肯定嘅係，佢真係唔係咁鍾意受注意。」而二人育有一名5個多月大的女兒Stormi。
另一方面，Kylie的歌手姐夫Kanye West的父親Ray West被傳患上前列腺癌！據知Kanye聽到消息後即放下所有工作幫助父親，目前Ray在洛杉磯治療，反應良好。雖然父親被傳患重病，但Kanye日前帶住100位員工到主題樂園玩，期間他大玩高卡車，似乎心情未受影響！而他前日與剪了短髮的老婆Kim Kardashian外出。