歌手陳潔靈前晚在演藝學院完成12場《由靈開始演唱會》並舉行慶功宴，她開心表示個唱有很多意想不到的事，除獲行內讚賞，還有不少圈中好友如李克勤、黃秋生、容祖兒、小美等捧場，蘇施黃更看了5場，但會否開Part 2則言之尚早。問到尾場可有不捨落淚？她說：「尾場反而冇，尾二場有，因為見到奶奶，仲有見到老公生前嘅好友嚟支持，勾起唔少畫面，但我唔想決堤，所以有啲位忍得幾辛苦。」至於可有難忘事？她笑說：「把聲竟然冇事囉！」
