吳日言挺肚睇名校贏在子宮裏！

吳日言犯禁飲凍嘢，而老公則體貼為她擔遮。

34歲的吳日言（Yan）日前與老公Barry在烈日當空下現身銅鑼灣，身形尚算纖瘦的她早有準備，戴帽並拿着風扇仔。二人在地產舖門口看資料，期間手指指，更跟店員入內詳談，逗留約10分鐘後，二人轉往另一地產舖查詢，落力搵樓。經過一間著名幼稚園時，兩公婆先在門外觀察，然後入內拿單張，當年Yan讀書成績一般，想不到做媽咪後即學業至上！

老公擔遮護花

酷熱天氣下，Yan看來有點心急，過馬路時眼見快將轉紅燈，她寧願快步行亦不願停下來等，之後更不理孕婦禁忌，買凍飲消暑。而Barry則不時搭着老婆膊頭，又主動為她擔遮，盡顯愛妻之情！二人行至一幢商廈，看到百日宴餐單即研究一番，然後乘電梯上樓。記者發現該大廈還有學前兒童教育中心，看來二人更為BB睇定Playgroup。

為校網搵屋搬

事後Yan接受電話訪問，她直認想搬到港島：「銅鑼灣同灣仔區校網好啲，不過樓價好Crazy！兩、三萬蚊呎！」提到似乎太早搵學校，她自言對幼稚園沒甚概念：「上網有好多資料，但親身落去睇係唔同啲，做好準備要好長時間，同埋遲啲可能有新學校，依家攞定資料差唔多啦！」她否認是怪獸家長，只是覺得身為家長要為子女安排學業：「希望佢將來順利啲，但其實我仲未買佢啲衫褲鞋襪同日常用品，大肚婆可能跳掣啲，近排熱到冇心機諗，連邊度生都未知！」

見到百日宴廣告，吳日言即手指指。	BB年底先出世，吳日言已心急到幼稚園攞資料。	吳日言夫婦穿梭地產舖，打算為理想校網搬到港島區。