蔡興麟愧對歌迷
歌手蔡興麟早前亮相無綫節目《流行經典50年》後，與歌迷增加了互動，最近更舉行國際歌迷聚會。前日他受訪時透露：「已經有25年未正式與歌迷聚會，上完《流》之後見反應唔錯，所以就約番Fans Club出嚟聚會，約約吓愈嚟愈多人，都想搵個大啲嘅地方，但我冇期，因為要返北京搞熱氣球節巡迴演唱會，之後會再去烏克蘭拍戲。」
問到是否全面回歸香港樂壇？他說：「其實我從來冇離開，只係我愧對香港樂迷，一直冇出廣東新歌，將推出一張新唱片，希望以慈善性質推出。（想唱紅館？）三年內都冇期！我想搞數千人演唱會，都係慈善性質，好開心班朋友都話支持。（搵邊啲朋友做嘉賓？）賣吓關子先！」