朱晨麗惡補廚藝做煮婦

藝人林夏薇、朱晨麗及周志文昨日出席《V city至「熊」生日派對》，並聯同新鴻基地產代理租務副總經理孫雅茵主持派對啟動儀式。

何廣沛試過手勢

前晚播出的《美女廚房》中，朱朱以負48.8分排榜尾，她表示已畀足心機下廚，無奈是第一次處理瀨尿蝦，加上要限時作賽，因而影響發揮。問到平日可有下廚？她坦言：「比較少，媽咪好錫我，要我遠離火種。（怕唔怕節目影響你嫁唔出？）我相信距離嫁人仲有段時間，又唔係即刻嫁，仲有時間畀我預備！上《美女廚房》我事先唔知煮乜，但如果我嫁，可以上網搵資料同試煮幾次，再好好煮一餐畀我心愛嘅人食。」

她認為男生如果懂烹飪感覺很Man，問到緋聞男友何廣沛是否懂得下廚，她說：「我未試過，但佢就試過我手勢。」

林夏薇夫妻檔開工

周志文的緋聞女友劉佩玥（Moon）亦是《美女廚房》的負分王，他對着朱朱說：「下次你同Moon一齊煮，我食完你煮嘅，再食Moon煮嘅，就會覺得佢煮得好食！」朱朱笑言可以來場地獄廚神大比併。

另外，離開無綫的林夏薇透露最近忙於健身及準備到老公的公司上班，問到會否擔心夫妻一同工作，容易發生爭執？她強調絕對不會，認為大家互相尊重，又指現時更加明白老公工作辛苦。