單文柔自爆為男友煮早餐

藝人單文柔及伍樂怡昨午到灣仔出席活動，一展廚技時竟被要求「冇爐煮食」及拿着「煎pan」（陳展鵬暱稱）合照，似有抽水之嫌！身為女友的單文柔大方回應：「無傷大雅，最緊要大家開心！」她又趁機放閃，自爆曾為男友煮早餐：「整all day breakfast同果汁飲品，佢都幾滿意。（有彈過你？）試過整果汁加咗啲新果種，搞到啲味怪怪，叫我唔好再試！」又表示會拍拖做運動：「佢教我打高爾夫球，話我有天分。（真係成日讚你。）佢都會好嚴肅咁教育我，要追上佢嘅運動細胞，我仲有排先得。（粉絲接受你哋，加速結婚？）想事業行先，感情再穩定啲先講。」