「靚佬湯」湯告魯斯（Tom Cruise）近日宣傳新作《職業特工隊：叛逆之謎》（Mission Impossible-Fallout）都「膽生毛」，搵名嘴James Corden玩高空跳傘，James縮沙不成，經靚佬湯訓練後，齊齊飛上萬五呎高空，但上機後他相當緊張，反觀靚佬湯輕鬆熱身，更一度瞌着。到機門打開，James激動爆粗，最後於專人陪同下跳出，靚佬湯則自行華麗轉身飛出半空，更頻頻舉起拇指，場面搞笑 !
此外，靚佬湯被爆即將搬到佛羅里達州的複式大宅，屋內有私人泳池及小型戲院外，更有一間房改為飛機模擬駕駛艙，認真熱愛飛行！