曾醒明辭職非被炒否認亞視月蝕千萬

亞視以OTT（網台）形式復活後至今半年，多次傳出財困及裁員，昨日有讀者爆料指亞視又「大地震」，外事部總監曾醒明被炒，執董羅建發（Nick Law）請辭，並指亞視每月蝕一千萬及再裁員100人。曾醒明昨日就此回覆：「我喺7月初以私人理由請辭，如果被炒就唔係繼續留喺度啦，我仲會返工到9月初。（去向？）未定，想休息吓及搞自己嘅慈善工作。（每月蝕一千萬？）亞視目前邊有咁大規模嘅開支？點樣蝕到一千萬呢？其實亞視每月都準時出糧，足證財務狀況係穩定！」對於有傳再裁100人，亞視公關Tim回覆：「先講羅生仍係亞視執董，目前仍在職，以及目前冇裁員行動，公司現有200多人，僅可維持正常運作。公司正積極搞亞姐，還在招聘不少員工參與。」