JW學戲壯膽
歌手JW（王灝兒）昨日在港鐵中環站內與一眾青年樂隊Jam歌，吸引大批途人圍觀。受訪時，她興奮表示感覺新鮮，問到會否倣效外國人在站內演出？她笑說：「唔夠膽！如果喺外國遇到首歌好鍾意，而佢又邀請我嘅話都會夠膽。（你開過紅館騷都驚？）唔同o架！同喺一個地方等人聽你唱歌嘅心情唔同，所以都好佩服啲Busker。」
另外，她透露最近自發跟導演彭秀慧學戲「壯膽」，發現喜歡演戲的程度與唱歌一樣：「學戲嗰陣係放晒啲情緒出嚟，唔可以有隔膜，要投入。」又趁機「推銷」自己拍戲：「咩都好想試，總之唔係鬼片就得。（之後會繼續學？）依家學咗十堂Level Two，如果佢再開班就會繼續上。」