歐陽巧瑩踢木板叫停惹佗B疑雲

林師傑與歐陽巧瑩都就快結婚，有咗都唔出奇。

藝人歐陽巧瑩、林師傑、朱晨麗、譚俊彥、關楚耀與傅嘉莉等，昨日宣傳新劇《特技人》，演員先後上台大顯身手，不過Tammy踢木板時被司儀楊玉梅喊停：「佢唔方便踢。」Tammy聞言摸摸小腹改由師傑頂上，惹來懷孕疑雲！

有排同阿媽解畫

二人受訪時，Tammy否認懷孕：「梗係冇嘢啦！有咗你點會唔知呀！我都唔知會有咁嘅安排，我都想大展身手，媽咪睇完新聞我又有排解畫！（有計劃生B？）有，我諗住2020年完約後年底結婚，結婚一年後有B。」師傑笑言早有計劃結婚生仔，又指是受譚俊彥影響：「拍劇時佢個女晴晴嚟探班，後來又生個仔，佢笑我都好快會結婚。」

譚俊彥妻女驚喜現身

明日生日的譚俊彥，因妻女昨日突然現身為他慶祝，令他十分驚喜，囡囡晴晴除了唱生日歌，更與媽咪先後送吻，場面溫馨，他抱住囡囡受訪時，期間她再搶咪唱歌超可愛，問到是否遺傳其演藝細胞？他笑說：「最好唔好喇！（平時都鍾意唱歌？）有，平時我唱畀佢聽多囉！」

歐陽巧瑩（右）要咁樣踢木板，最後由林師傑代勞。

太太抱囡囡現身送蛋糕，令譚俊彥十分驚喜。