秋生杜汶澤搭膊破冰
由藝人黃秋生擔任藝術總監、編劇及演員的舞台劇《夕陽戰士》昨日圓滿結束，與他不和多年的杜汶澤與太太田蕊妮亦有捧場，阿澤還將三人合照放上社交網，明顯已破冰，更表示專誠支持秋生舞台劇尾場，大讚他一人身兼三職都甚有功力。
至於秋生說：「我同佢又冇咩十冤九仇！佢唔係謀我身家，我又唔係搶佢老婆，冇咩要值得反目成仇，大家都同一個行業，就算之前有咩衝突同誤會，都過咗咁多年，冇咩咁嚴重要絕交咁幼稚，絕交、Unlike係小朋友做。」他又稱觀眾反應很好，覺得可以加場，但無奈其他演員太忙，未有檔期：「我想將個劇本修正吓再演出，會加番多啲感人情節，同埋想寫成小說。」並透露稍後會離港探親，再到歐洲拍攝旅遊節目。
