林德信跟風學松岡晒Body
藝人林德信（Alex）及陳蕾等昨日出席音樂活動，Alex表示手上的結他是自己用油畫畫，透露家中收藏了三十多支結他，最貴的是三萬元的電結他。
講到前緋聞女友松岡李那出寫真，他笑言：「冇留意呀！不過都好嘅，我見男仔都出寫真，我可能都需要影一本。（你真係想出？ ）我呢排游水，曬到好黑，想趁住呢個咁黑嘅膚色影。」問到可接受穿三角褲影相？他笑言：「我得o架！因為我喺美國教高溫瑜伽，唔可以着太多衫，嗰陣啲男仔都係着三角褲，女仔就係着比堅尼。（如果全裸得唔得？）如果電影嘅話，嗰件事拍得靚，劇情又好，都值得去做，但寫真就未必會全裸。」