JC爆閨房樂老公愛性感Cosplay

昨日以低胸裙現身活動的Jessica C.(JC),雖然其「警鐘胸」並非浪得虛名,但同場遇上34G的台灣game模陳葳,亦要甘拜下風。JC大爆老公愛Cosplay,喜歡她扮演任何性感角色,認真有情趣!

以女神造型出席PlayStation活動的名模Jessica C.,同場遇上九位Game模,其中以來自台灣、擁有34G上圍的陳葳最「胸」猛,連「警鐘胸」亦難以匹敵。

台上重播JC以前的性感Cosplay照,已是兩名小朋友母親的她坦言勾起很多回憶,但自覺跟以前有很大分別,問到在家中會否Cosplay以增添夫妻情趣?她笑言:「或者啦!Andy(安志杰)好鍾意Cosplay,萬聖節嘅時候會Cosplay,今年全家可以扮超人特攻隊。(Andy鍾意你扮咩角色?)任何性感嘅角色。」

唔戒口搞到入院

產後喪食生冷食物的JC,自爆早前受到教訓,因肚痛而入醫院:「可能因為我食得唔健康,生完又即刻食雪糕又飲凍嘢,原本醫生要我留院一晚,我唔肯,我喺醫院大叫,我唔想留低BB,佢得幾星期大,好在最後唔使留院。今次上咗一課,我會食得健康啲,飲湯同食菜,戒雪糕同凍飲。(係咪餵人奶?)係,餵緊兩個。(夠唔夠?)足夠有餘。」

至於陳葳稱已第二度參加該活動,最想扮演蜘蛛俠,因為服裝夠貼身,顯得又帥又性感,又自言還未有男友,喜歡有幽默感的男生。