陳貝兒過勞暈低送院打點滴

陳貝兒之前在氣溫只得10度的法羅群島拍攝，之後轉到熱辣辣的希臘取景，又冷又熱唔易捱！

藝人陳貝兒最近於外地拍攝無綫節目《嫁到這世界邊端2》，40日行程去勻瑞典、波蘭、法羅群島（丹麥海外自治領地）以及希臘等地，各地溫差大，法羅群島平均氣溫是10度以下，希臘則平均達40度，頗難適應。

聲線虛弱再頂3日

前日，大隊於希臘拍攝，Janis終不支暈倒，要漏夜送往醫院治療，她說：「可能唔夠瞓，拍拍吓暈咗，喺節目度受訪嘅土耳其人妻即刻漏夜車我入醫院睇急症同打點滴，喺醫院留咗個幾小時就返酒店，今朝起身，覺得精神冇乜大礙，會繼續隨攝製隊拍攝。」由於其聲線虛弱，令人擔心其身體狀況，她卻說頂得住：「因為仲有3日大隊就返香港，所以，會盡力追番啲拍攝時間，醫生叫我要注意休息同飲多啲水，我一定會遵從。」

陳貝兒入院打點滴。

陳貝兒

捱到殘自嘲冇人吼

記者讚她「捱得」，她說：「唔捱得就真，我以為自己可以捱到40日，點知第37日就搞成咁，返嚟香港應該可以瞓番個好覺。（同一班人妻做訪問，有冇介紹男仔畀你識？）唔會多想喇，做咗40日，殘足40日，有都唔會睇中我啦！」昨日她在社交網感謝土耳其醫護人員及受訪土耳其人妻的照顧，並留言：「口裏說頂得住，身體卻最誠實……」指自己捱不住入院。