唐詩詠撞期打亂旅行

藝人鄭嘉穎與陳凱琳被爆下月於峇里結婚,曾與嘉穎合作的《鐵馬尋橋》班底馬國明、唐詩詠及黃嘉樂前晚出席無綫活動時被追訪,但眾人聞風四散,馬國明更一早離場,留下女友黃心穎頂上,她說:「今日好早嚟綵排,佢聽朝開0630先早走啫!(佢避記者喎!)我唔知,依家都我頂啦!又唔見跌錢叫我頂。」

唐詩詠則兜路避傳媒,最後被多番要求下才肯受訪,提到馬國明早走,她說:「佢就好喇!有人頂。」問到是否夾定封嘴?詩詠沉默一會才說:「因為我哋唔知咩事。(係咪會去峇里?)我要拍《解決師》,但本身8月、9月都會有假,係一早諗住去旅行。(依家仲去到?)係有啲影響。(去做兄弟姊妹?)我就自己去……真係唔好再問我啦!」至於準備甚麼賀禮?她自行加上「如果」兩字:「如果係呀吓!就真係未諗,但應該夾一份嘅。」

至於身在化妝室的嘉樂被要求受訪時神情緊張,表示尚未收到通知:「我只可以答你,我自己想盡快結婚。」