有指「萬人迷」碧咸（David Beckham）與老婆Victoria身家合共約69.17億（港元，下同），碰巧近日碧咸家姐Lynne的17歲囝囝Freddie Every公開呻窮，更表示想與舅父碧咸見面！
Freddie表示父母於2010年離婚後，他跟爸爸Colin同住，細佬Josh就跟媽媽。自言兩父子現居於一房細單位，生活潦倒窮困，他正讀砌磚課程，戶口只有約14蚊，靠爸爸每星期拎政府約773元援助過活！他又指希望與舅父食飯傾偈，別無所求，更透露小時候曾獲對方買快餐店的兒童餐，有過開心回憶，但對上一次見面已是9年前：「我睇咗碧咸一部電視紀錄片三次，睇吓佢有冇講起我，但佢冇，真係好難受。」