汪琳瞓床成個月誕6磅8囝囝

現年40歲的藝人汪琳，2008年下嫁商人張忠弦，並育有一女張梓彤。再度有喜的她日前剖腹誕子，湊成一個「好」字，可喜可賀。

汪琳昨日接受訪問時透露，BB重6磅8安士，打算餵哺母乳，講到再做媽咪的心情，她說：「開心，但就攰啲囉！因為要照顧多一個小朋友，全家人都好開心。」並透露老公有陪入產房。

她表示見到BB的一刻即時爆喊，原來之前曾入院臥床安胎，現終鬆一口氣：「因為今次生仔真係幾經波折，大女病咗，但我又要入院瞓床成個月，之前都好擔心佗唔穩，依家終於可以卸貨。」並表示大女完全沒有呷醋，更非常愛錫細佬，不時想抱BB，汪琳說：「但畀佢抱佢又驚，因為BB太細粒，佢成日都會呵住細佬，想保護佢。」