林盛斌搞喊囝囝被怒睥

「多仔公」藝人林盛斌（Bob）昨日特意推Job現身書展為太太黃乙頤（Pearl）出書撐場，同行還有孻仔林道申（Jaye），合照時Bob貪玩一手搶去Jaye手上的書，嚇得囝囝即時爆喊，回神「定驚」後更不停怒睥爸爸，場面爆笑！
林盛斌父子檔撐老婆，卻搞喊囝囝收場。
林盛斌父子檔撐老婆，卻搞喊囝囝收場。

Pearl談到新書稱可分享湊仔心得，兩公婆又指有送新書給剛「升呢」做準爸爸的王祖藍︰「一知道佢有BB就即刻恭喜佢，呢一年成日都叫佢快啲生，點知呢幾個月冇提就即刻有，仲諗住傳授生仔秘方畀佢，但佢話自己教自己！」

另外，歌手蘇永康亦一家三口到書展出席活動，自爆於峇里曬日光浴時不慎曬傷，搞到全身甩皮︰「搭飛機急敷3塊Mask，仲叫空姐幫手雪入雪櫃，一用毛巾捽身就畀老婆笑我話落雪。」

  • 放大圖片
攬實囝囝的蘇永康自爆外遊曬傷。
  • 攬實囝囝的蘇永康自爆外遊曬傷。