莫文蔚等紅館期開騷

【特派記者李媛宜澳門報道】歌手莫文蔚（Karen）到澳門威尼斯人舉行巡迴演唱會，她透金Bra出場大騷誘人長腿，又以性感貓女郎打扮唱出Cat Medley，全場High爆企起身！
莫文蔚以性感歌衫演出。
莫文蔚以性感歌衫演出。

騷後受訪被問何時開香港站？她說：「等緊期，不過要明年先。我13年冇喺香港做騷，紅館會Warm啲，同埋呢個騷有球賽元素，喺體育館做個氣氛會再正啲。」問到歌衫可會更為性感？她即預告可能有新環節：「踢波到最後會交換球衣，到時睇吓點，練到6舊腹肌先！」談及其個人音樂廠牌將會簽新人，Karen就表示熱愛音樂最重要，男女也沒所謂。

莫文蔚化身貓女郎載歌載舞。
  • 莫文蔚化身貓女郎載歌載舞。