29歲南非名模Candice Swanepoel近日於社交網Instagram，上載生下第二胎12日即着比堅尼戲水的索相，雖然未完全收身，不過望落算Fit！
未知是否有網民口多送負評，她於相中撰文鬧爆只睇身材的人，自言身為模特兒都有凸肚的權利：「我仲好驕傲，因為呢度佗咗囝囝9個月！」叫批評者自我檢討。Candice亦有分享佗B時挺巨肚的相片，並表示：「我唔會因為人哋對女人不切實際嘅標準而收埋個肚，我哋孕育生命，你哋有份做咩？」