馬國明定情戒同心穎夾錢買
藝人馬國明與女友黃心穎拍拖一段日子，打得火熱，之前宣傳劇集時，更不時打情罵俏，看來打風都打唔甩！而馬國明出名孝順，一直與家人同住，不過，女友心穎繼之前被指經常消費男友外，亦有報道指她想霸佔馬國明，二人先買定情戒，然後再買婚戒，更說服男友買樓另築愛巢。
對此，馬國明接受訪問時維護心穎，力撐女友說：「首先多謝大家關心，其實我哋都未傾到結婚呢個話題，心穎仲年輕，仲想喺事業上努力，但啲雜誌好得意，我哋都未諗到嘅嘢，佢已幫我哋諗埋。」
「唔好誤會佢成日使我錢」
至於婚後是否與父母一齊住？他說：「搵多啲錢係我自己好想，唔關佢事，識我嘅人都知我成日都話要儲多啲錢，因為呢行冇乜保障，叫做可以儲到錢嘅時間唔儲錢，對日後生活真係冇乜保障，多個錢傍身，搵啲嘢投資係好啲嘅！」
說到被指買廿萬定情戒很肉赤，他又替女友平反：「又唔會肉赤，首先唔係廿萬咁多，通常我買嘢都係計好數，自己負擔得起先至買，而且我哋係夾錢買，大家唔好誤會佢成日使我錢，佢都搵到錢，佢都係用自己錢買。」