SM紅館騷玩驚喜想創紀錄

SM由2013年Star Hall到2016年會展，再成功踩入紅館舞台，四子均感激過去請他們做嘉賓的歌手謝安琪、欣宜和C AllStar，令他們有踩上紅館升降台經驗。不過，對畏高的主音Sunny就是大挑戰：「由台下升上嚟台面係可以嘅，但台面再升就有啲驚。」旁邊三子即笑言：「最重要佢唔單止驚自己，係人哋企佢都驚埋人哋嗰份。」一個人企安全過大班人逼在一個升降台？Sunny抵死笑說：「唔關安全事，係關乎膽量事。」而台下不設企位，Sunny最愛玩的「插水」則說會有特別安排。

神秘嘉賓你估唔到

講到嘉賓助陣，四子坦言：「係有嘅，仲驚喜到大家都估唔到，連我哋都估唔到，保證係超級驚喜，就算大家知道係邊個，去到Show Time都會有驚喜，你會鍾意佢哋多過我哋，呢個先係重點！」暫定開兩場，可有信心為SM創下紀錄？他們認真又幽默說：「反而想創嘅係最少出錯嘅紀錄！過去演唱會都會有彈錯、走錯位、電腦死機都試過。」不過，他們稱有音樂總監王雙駿及團隊幫手「執生」，都安心好多。

有人幫手「執生」，四子都安心啲！

兩個篤波，另外兩個教路，非常合拍！

望賣晒飛再加場

初登紅館可有賣飛壓力？四子謂因開三面台，座位人數與會展差不多，所以都會有信心消化得到。之前他們曾言保證歌迷、親友買到飛，現可需收回這番話？他們說：「真係唔知！當然希望大家買到之餘，亦好快賣晒再加場喇！」

攝：司徒國榮

場地：九龍貝爾特酒店

化妝：Onki Lau 髮型：Nasaki Chu

服裝：ITHK @Journal Standard @Beauty & Youth