李泳豪日本練車驚覺天外有天

藝人李泳豪玩飄移玩得出色，開工拍戲之餘，亦不時到內地練車及教飄移，不過他近年有新計劃，就是到日本進修，近日便再度赴日特訓高級飄移，他說：「依家每三個月到半年就會去一次日本進修，今次就去咗六日，其中一日參加本地賽事！」參加過不少賽事的他，直言天外有天：「參加賽事嘅人，由十幾歲至四十幾歲都有，比賽當日有好多女仔參加，無論係初級定中級，個個都勁到飛天，真係要好好學習！」泳豪又指遠赴日本進修，不但是為了學習當地的鬥車文化，更要學習日本人保養汽車的執着。