胡鴻鈞挑戰極限玩冰封

歌手胡鴻鈞自認貪玩，經常試新玩意，早前到一個室內的冰極樂園試玩，又玩長滑梯，又玩運冰球遊戲，最後更入零下20度的冰屋，進行人體極限大挑戰，他說：「好開心，有重拾童真嘅感覺，運冰球遊戲要同其他人一齊合力完成，好有成功感。至於最後入冰屋，我向現場啲同事挑機，話入去要飲埋杯冰水先至係挑戰人類極限，但就冇人敢接受挑戰！」他指室內的冰極環境好真實，笑言忍不住扮拍MV玩冰封。