Dash先註冊等B出世再行禮

樂隊Mr.的結他手Dash早前在社交網自爆要當爸，去年初向拍拖4年女友Joan求婚成功，並已在外國秘密簽字，近日兩人正式在港入紙排期註冊。Dash說：「外地還外地，喺香港始終要做番註冊呢一環，雖然未婚妻係澳門人，但小朋友會喺香港出世，我個人比較老套，覺得有番個名分，負番個責任。」他計劃9月中註冊，只安排雙方家人食飯，待BB出世後明年再補辦婚禮。他指Joan在澳門工作，在當地花過萬租千呎舊樓：「置業係我目標，但香港樓太貴，暫時會兩邊走，喺香港我同父母住，依家裝修緊間屋擺BB床。」