開火怕畀油彈潘欣妮鑽研沙律過下廚癮

Loretta為大家製作簡單又健康的「蟹籽沙律」，她自爆甚少下廚，因害怕用明火煮食：「我好驚會畀油彈親，但係又想自己整吓嘢食，所以就揀啲唔使用明火煮嘅食物，而沙律就係一個好選擇！淨係切吓材料，危險性低好多，真係方便又快捷。」她又指為保持美好身段，喜歡吃蔬菜：「我鍾意整唔同種類嘅沙律，例如水果沙律、青木瓜沙律等，亦會加好多火箭菜，同埋留意市面整沙律嘅醬料，令到自己可以有多啲唔同配搭，咁就食得健康同有新意。」

包餃子全部唔食得

講到下廚經驗，Loretta分享一件難忘事：「我記得細個幫屋企人包餃子，但包到一係啲皮好厚，一係裏面啲餡漏晒出嚟，最搞笑係正常煮咗一陣會浮上嚟，但係我嗰啲一直沉喺底，全部都唔食得。」

梁祖堯：換青瓜種類添口感

「劇界廚神」梁祖堯點評Loretta的「蟹籽沙律」，大讚食譜不錯，建議她選擇不同種類青瓜，如溫室青瓜或刺青瓜，兩隻青瓜同樣非常多汁，可增添不同口感。

蟹籽沙律材料：蟹籽、沙律醬、生菜、青瓜、蟹柳、紫薯片	Steps 1：將青瓜切絲，蟹柳撕成絲。	Steps 2：生菜洗淨搣碎。

《星級煮意》集集有不同藝人、紅人亮相，示範不同菜式，又有廚藝專家提供煮食要訣，娛樂與資訊並重，大家可透過東網App、東網網頁收看及重溫。

Steps 3：將蟹籽、蟹柳、青瓜絲、生菜及沙律醬撈勻。	Steps 4：最後落紫薯片。	完成啦！ 潘欣妮對製作沙律非常有心得，話咁快就整好「蟹籽沙律」！

https://bit.ly/2KTcw4E