被50個挑戰者圍攻 陳柏宇學揸槍迎戰

熱愛電競的歌手陳柏宇(Jason),早前在33度高溫下,在摩星嶺炮台拍攝有關電競的宣傳短片,見他在專業人士指導下,學習正規揸槍手勢,有型有格。他透露將會出席一個電競活動,會跟50名粉絲用手機版PUBG(食雞)對決(遊戲《絕地求生》代名詞):「我會化身手持重型武器嘅遊戲主角,畀50個赤手空拳嘅挑戰者圍攻,唔知最終可唔可以成為『食雞』贏家。」