向無綫示威？曾志偉變節幫ViuTV講波
向來是無綫「吉祥物」的「獎門人」曾志偉，被傳近年與無綫高層余詠珊交惡，所以有指他答應出席ViuTV節目《Good Night Show全民睇波派對》，就是向無綫還以顏色，即惹來不少網民熱議。
身為無綫「鎮台之寶」之一的曾志偉，曾主持多個膾炙人口的節目，最為人熟悉的《獎門人》系列更收視高企。他亦擔任港姐司儀多年，惟2013年港姐轉新賽制，準決賽的部分環節由直播變錄影，有指當時他大感不滿，錄影期間嬲到爆粗，因而傳出與負責港姐統籌的余詠珊不和。
開心見林曉峰
志偉前晚連走兩場，先到屯門參與ViuTV節目的戶外活動，然後再踩入ViuTV柴灣直播室。問志偉是否與ViuTV有進一步合作？他說：「總有機會嘅。」今天ViuTV邀得明星足球隊一眾成員，前往俄羅斯欣賞世界盃決賽，除了志偉、羅家英、許志安、梁漢文、劉浩龍和張兆輝等，羅家英老婆汪明荃也會同行，至於譚詠麟日前已起程，於當地會合眾人。
曾與志偉合作《獎門人》的林曉峰（阿Lo），直言在節目開始才知對方出現：「我諗鏡頭前都會見到我塊面『立立令』，我緊張到滲汗！見到阿爸（志偉）竟然成Part稿都唔記得，所以不時要搵位坐低背稿。」志偉亦興奮說：「最估唔到會喺呢度見面，仲一齊做世界盃，好OK呀。」而無綫對於志偉亮相ViuTV，高層樂易玲於截稿前未有回覆。
翠如睇波唔避忌
另外，黃翠如和余德丞昨日出席足球活動，談到今屆世界盃由ViuTV直播部分賽事，身為無綫藝人的他們談及足球會否避忌？翠如坦言：「我哋做呢個行業乜都要睇嘅，乜都睇先知出面做緊乜，唔會避忌。」余德丞亦說：「冇乜特別避忌，自己有講開足球評述，係要睇嘅。（志偉現身ViuTV覺得驚訝？）都有，但我就聽英語評述囉。」