郭子豪縫20針險毀容

郭子豪在家以電磁爐煮食，未料個爐爆玻璃令他手臉受傷入院。

無綫藝人郭子豪原本昨日出席崑崙表發布會活動，因為發生家居意外未能出席，改由胡子彤擔任嘉賓！郭子豪受訪時表示正積極為8月底的健美比賽勤加操練，由於要控制食物、營養，平時都是親自下廚煮食。本周一（9日）是他的生日，他在家炮製雞胸及蒸蛋，未料意外因而發生，他說：「我買咗個鍋，下面烚雞、上面蒸蛋，每次都要煮成廿幾分鐘，當時成個電磁爐嘅玻璃面好熱，我又倒瀉咗啲凍水上去，可能一熱一凍，啲玻璃爆起上嚟，啲碎片彈到隻手同面，都流咗好多血！」

冇彈入眼已好彩

子豪當時即刻入院診治，手縫了20針，臉部亦有兩、三處被玻璃碎片割傷，留醫了兩日後，剛出院在家休息，要吃着止痛藥及抗生素。問到會否毁容時，他說：「好在臉上嘅傷唔係好深，冇彈入眼已經係不幸中之大幸。（傷勢有否影響其他工作？）依家都係專心健身比賽嘅嘢，8月25日就比賽，時間都好緊迫，希望可以快啲好番，我都需要時間休息吓！」

因參加健身比賽，郭子豪大多在家自己煮食。

郭子豪的手部縫了廿針，手肘亦遭割傷。

專家解畫點先爆爐

今次意外，令人聯想到使用中的電磁爐，是否遇到凍水便會引起爆炸？機電工程師盧覺強表示不會：「使用中嘅電磁爐就算幾熱都好，遇到凍水淋都唔會爆，最多只會裂，不過，唔排除有啲電磁爐，因為使用期間突然遇到啲凍水而引致裏面嘅電子組件短路而產生爆炸，要睇番個電磁爐本身嘅質素。」