工藤佑采舉目無親孤身作戰

現年25歲的工藤佑采，參選時向外透露父親是日本人，母親是香港人，在廣州讀大學工商管理，但原來她的身世頗坎坷。據知工藤在港無人無物，父母皆亡，在日本也沒有太多親戚，一個人獨自在港生活，不過她很上進，現時除在名媛陳君宜（Qinnie）的公司工作，自己養自己外，還報讀公開大學繼續進修。

陳君宜讚聽話勤力

Qinnie亦是工藤的港姐提名人，對於這位中日混血兒的身世，她表示兩人經朋友介紹認識，第一印象很好，直言不會八卦別人家事，但承認：「我哋識咗幾年，我知佢父母都Pass Away，得番自己一個孤伶伶喺香港，好慘！佢依家喺我公司做緊Part Time，都做咗幾年，主要做Marketing，佢仲會報讀大學進修。（覺得佢個人點？）佢做嘢幾好，幾聽話。」

由於工藤精通日文，對日本文化了解，故是Qinnie的得力助手，因為其餐廳經常會有不同的日本卡通人物主題，Qinnie說：「佢可以幫手睇日本餐牌，好似今次點心主題係『美少女戰士』，佢都畀咗好多意見我，佢咪就係我心目中嘅『美少女』囉！佢皮膚夠白，身材好，我同佢游過水，見識過係真材實料，可塑性高。」經第一輪面試後，工藤認為自己身材未夠線條，Qinnie對此說：「上次我話佢肥咗少少，之後佢好勤力日日做五個鐘頭運動，一星期做足六日，條腰瘦咗好多，好佩服佢嘅毅力。」

換上波鞋的工藤搭港鐵離開，然後單拖行商場。	放大圖片	身為提名人的陳君宜，讚工藤是她生意上的好幫手。

換波鞋單拖行商場

前日工藤到電視城完成複試後，坐接駁車離開時已棄三吋高踭鞋，換上輕便波鞋，並孖着另一參選者Sara一同轉乘港鐵，二人卻擺烏龍坐過站，之後搭回頭車到將軍澳站落車。其後見工藤單拖一個行商場，未見Sara同行，工藤在商場兜了兩圈後，沒有購物便步入九龍東一酒店。