藝人顏仟汶昨晚到尖沙咀出席活動，談到與詹秉熙的緋聞，她否認說：「我哋同雪梨、歐信希係好朋友，成日一齊。（淨係影到你兩個？）係咪唔可以做紅顏知己呢？（翹實喎？）落雨一把遮，我唔覺有乜問題。」她又自爆已與前夫搞清手續，目前回復單身：「都可以接受新戀情。（同詹太有冇面左左？）關係冇乜改變。（繼續上屋企？）仲敢咩！」
談到早前於社交網站留言，疑似工作出現問題，她承認：「係同一個場嘅工作有幾個人問價，結果產生是非。我睇過塔羅牌話我今年是非多，企喺度都有罪，惟有做多啲善事。」
