Rose Ma飲酒壯膽任𥄫唔怕醜
每年暑假的寫真戰都戰況激烈，今年連電競界亦有代表加入戰團，有「電競女神」之稱的馬俊怡（Rose Ma）率先曝光多個寫真造型，當中不乏性感內衣照大騷34D咪咪，她揚言拍攝時未有清場，但就要靠飲酒讓自己進入狀態。
寫真戰將一觸即發，今年除明星、名模與o靚模外，在電競界甚有名氣的Rose Ma亦宣布會在書展期間推出處女寫真。Rose Ma擅長打機，亦是前女子電競隊成員，曾做過ViuTV的節目主持人，擁有大批宅男粉絲。
工作人員望實
Rose Ma透露今次寫真籌備五個月，投資6位數，當中有超過15個造型，其中以內衣最為性感，將其34D、26、35的葫蘆身材表露無遺，她笑言雖然曾拍過內衣照，但從未試過被如此多工作人員望實影相：「我影嘅每一場都冇清場，我之前以為自己會好怕醜，但係又冇喎，不過我每日拍攝前都會飲酒令自己進入狀態。」
日式部屋取景
除內衣照外，還有濕身相、學生Look、乾物女（即出街打扮光鮮，在家就不修邊幅）造型，以及未能公開的絕密造型，她說：「我出寫真唔係為賺錢，我係想畀大家知道我可以有唔同嘅一面。當中有啲係我從來未試過嘅形象，變化好大，我會展示到自己有好高嘅可塑性。」
早前Rose Ma與工作人員一行八人拉隊到東京四日為寫真取景，由於時間緊迫，每日拍攝超過12小時以上，涉逾十個場景，其中「乾物女」的場景更是由工作人員砌出來：「間日式部屋係租真嘅部屋，我哋帶晒啲嘢入去布置，好似漫畫之類，乾物女完完全全係我嘅寫照嚟！」