龔嘉欣入得廚房獲睇好嫁得出

龔嘉欣廚藝了得，使乜擔心嫁唔出喎！

龔嘉欣、張寶兒與單文柔昨日現身「big big channel KIDS x Think Big 夏日大想」活動，嘉欣早前在《美女廚房》中憑純熟廚藝，被網民大讚入得廚房出得廳堂，她坦言純粹抱着玩的心態去參加，沒想過獲得如此大回響：「啲街坊都話對我改觀，唔知我識煮嘢食，最開心係話我嫁得出，我都就快三十，以為自己好忟水。」她更自爆有異性要求試其手勢，問到是否追求者時，她點頭默認：「佢睇完個節目話想試吓，叫佢等吓先啦！（有冇話要上你屋企試？）冇，唔好咁快，如果真係拍拖，我唔介意日日煮嘢畀男友食，我好享受，可以煮三餸一湯。」

為新劇苦練馬甲線

另外，嘉欣透露近期為新劇苦練馬甲線：「套劇8月開拍，有需要露腰同睇到線條，依家每星期會上一日功夫堂，一日健身，每晚再花半個鐘拉筋同做腹部運動。（監製要求？）我對自己都有要求，難得接到個好角色，想畀大家睇到同平時唔同嘅我。」

單文柔對展鵬有信心

至於單文柔談到男友陳展鵬與業主鬧糾紛，她揚言對男友處理問題有十足信心，又讚對方性格正面，未有因此事向她吐苦水。而張寶兒稱稍後要上《美女廚房》，她直言怕生劏食材。提到男友袁偉豪早前喪父，她指對方已投入工作，認為對方能陪伴父親走最後一程也算圓滿。

張寶兒（左）即將上《美女廚房》，唔知有冇同單文柔交流烹飪心得呢？

一眾藝人齊齊出席活動，非常熱鬧。