吳業坤MV咀水着女優：幾秒就夠！
歌手吳業坤昨日帶同新歌《精裝追女仔》到電台宣傳，自爆MV推出至今仍未完整睇過一次，因為自覺尷尬，又笑話有人反映MV中與一班日本妹跳舞的部分，十足「緋聞女友」薛家燕主演的《皆大歡喜》開場畫面。
講到其MV，之前坤坤曾揚言會與水着女優同場互動兼玩咀嘴，豈料播出鏡頭只得短短幾秒，坤坤笑住回應：「夠o架啦，太多就唔好啦！」之後他轉移話題指現正上網招募新生親自教授跳舞，希望之後可以一齊玩快閃宣傳：「不限年齡、不限性別，想同Fans有多啲互動。」問到現時收生情況？坤坤抵死笑話：「其實暫時都係啲Fans，不過開心就得！」