溫碧霞為個唱消瘦歌衫唔啱身
「美魔女」藝人溫碧霞（Irene）明晚在旺角麥花臣舉行處女演唱會，她之前透露邀得新婚的鍾欣潼（阿嬌）做嘉賓，日前阿嬌攜老公賴弘國跟她吃飯共聚，之後一齊綵排，賴弘國全程陪同在側，連Irene都讚兩人好Sweet。前晚Irene為個唱排練時說：「阿嬌好似自己，喺工作方面好欣賞佢，佢係一個單純、好好嘅女仔。」
為個唱最後衝刺的Irene明顯消瘦了，她透露歌衫由緊身變成鬆身。昨日父親節，她會與囝囝Xavier跟老公慶祝，為感謝老公支持，她笑說：「屆時我會唱好多首歌向佢透露心中情。（你送咩畀老公？）送自己畀佢，（囝囝呢？）佢好多心思，會自己畫畫、寫卡。」可會安排囝囝踏上舞台？她說：「唔會，但佢好有表現欲，好鍾意唱歌，近得我多，成日都聽歌同畫畫。」
感動陪養子成長
雖然Xavier是養子，但Irene接受本報專訪時透露視他如親子：「嗰種感覺同親生冇分別，佢病我一樣會心痛，佢唔開心我一樣唔開心。」並謂囝囝一早知自己的身世，可能Xavier是棄嬰，對返內地有恐懼：「可能佢介意，覺得嗰度有陰影，但我話畀佢聽：『你唔需要介意，你應該珍惜你依家，你好幸運爹哋媽咪同身邊咁多人錫你。』所以佢讀書各方面都好努力。如果我冇收養佢，唔知佢會點，我畀咗個溫暖、幸福家庭佢，我覺得好有意義，睇住佢成長好感動。」
