吳若希設計銀包氹老爺

歌手鍾鎮濤與13歲女兒鍾懿、吳若希、馬浚偉、胡定欣及王灝兒（JW）等前晚參演《明愛暖萬心》，吳若希表示老公出埠公幹，因此不會慶祝父親節，問到會否代囡囡送禮？她說：「會用老公嘅信用卡買禮物畀佢，之前送咗銀包畀老爺，係我設計再搵人整，佢日日袋住孫女嘅相騷畀大家睇。」
吳若希
吳若希

而鍾鎮濤父女檔獻唱默契十足，鍾鎮濤說：「有時我喺房唱歌，我唱一句，佢就接下句，冇教過佢o架！」又表示父女合唱已是父親節最好禮物：「以前佢試過煮早餐同蛋糕畀我，幾好味！（依家仲同你錫錫？）佢就嚟錫第二個……佢媽咪。（囡囡拍拖未？）唔需要咁快。」

鍾鎮濤父女檔零舍有默契。
  • 鍾鎮濤父女檔零舍有默契。