任達華獻第一次砵蘭街睇波
影帝任達華前晚到旺角豉油街及砵蘭街拍攝內地網劇，因部分工作人員是內地人，等埋位時，任達華化身旅遊大使帶他們在附近閒逛，期間被旅客及街坊包圍集郵，場面墟冚，親民的他盡量停低合照。
見任達華手持平板電腦，他笑言趁休息期間睇世界盃：「人生第一次喺砵蘭街睇美斯，之後返內地開工都會繼續睇波，無論拍日景定夜晚都要睇，呢個月會辛苦啲，但值得，咁我會有補品補番嘅。」
任達華又稱父親節要開工，已預先跟家人慶祝。問到收了甚麼禮物？他說：「太太送錶，阿女（任晴佳）就畫咗幅畫，同埋請我食飯，好Sweet。」