相機被偷琦琦懸紅1萬尋私密照

名模琦琦上月與腕錶品牌萬希泉合作推新錶，並親身上陣拍宣傳照，萬希泉創辦人沈慧林亦有探班。原本拍攝順利，但其私人化妝師其後乘機鐵離開時，卻被偷走相機，記憶卡裏有很多琦琦的私密照，琦琦昨日說：「佢報咗警，去過警局兩次，都唔知喺邊度畀人偷咗，好難。（相機裏面有乜嘢相？）之前幾日工作嘅相，仲有老公同個女啲生活相，好私人。（擔心照片外洩？）都唔驚，我又唔會影啲乜嘢，但啲人攞嚟都冇用，不如畀番我。化妝師好內疚，出五千獎金喺電台呼籲，希望有心人畀番啲相我哋，依家我加五千，但過咗半個月，都應該凍過水。」