陳庭欣撐新歡冇劈腿：佢講乜都信
前港姐陳庭欣被爆與律師唐偉倫分手後火速有新歡，撻着身家逾億的楊振源（Benny），但原來對方被指與正印未斬纜，結果令她背上「小三」之名！陳庭欣昨晚宣傳新劇時為新戀情逐一解畫，揚言與Benny均是回復單身後才發展。
藝人胡定欣、蕭正楠、黃心穎、陳煒及陳庭欣（Toby）等昨晚為無綫熱播劇《宮心計2深宮計》宣傳，即場宣布該劇「七天跨平台總收視」的首集收視29.3點，暫為本年度劇集首集收視之冠，而內地騰訊視頻國粵雙語播放量則累積6.6億，一眾台前幕後飲得杯落。
結婚對象？唔諗咁遠
爆出新戀情的Toby搶盡風頭，皆因她被爆與唐偉倫分手不久，便搭上身家逾億的美容公司老闆Benny，而對方原來已有正印女友劉依靜（Ruby），後來Benny單方面向Ruby提出分手，令Toby榮升正印。Ruby昨日發表有骨言論贈興，直指Toby又靚又叻，顯然不忿男友被搶。Toby現身時明顯有備而戰，先坦承與唐偉倫關係維持兩年，並間接道出分手原因：「緣分講唔埋，點解要揸頸就命呢，真係做唔到！」
問到是否與Benny交往中？Toby直認不諱：「相處得好開心，但對方唔想公開。（識唔識佢前女友劉依靜？）唔識！每個人都有過去，大家都係單身再開始。（Benny三月喺社交網寫愛的宣言話有個對象？）我睇到呢段文章，係我分手後發生，當時處於唔開心日子，見到呢個緣分出現就開始去了解。（你會好似愛的宣言中視對方為結婚對象？）唔諗咁遠。（對男友百分百信任？）男友講乜都信，兩個人要相信對方，同佢呢個關係幾個月。」
蕭正楠認主持唔夠搞笑
由蕭正楠等主持的《美女廚房》前晚首播，被網友批評新主持不及上一集搞笑，蕭定楠說：「自己第一次錄影時都有咁嘅發現，但好難同啲經典作品比較。」而首集嘉賓黃心穎將蝦煮到有雞味而「技驚四座」。
