曾文豪爭食有餡尿片 李美慧含淚出嫁

李美慧（Vivi）與富商曾文豪昨日拉埋天窗，在淺水灣舉行婚禮，由前無綫藝人梁麗瑩擔任伴娘。不少藝人均有到賀，包括陳展鵬、楊卓娜、陳爽、楊明、梁婉靜、李綺雯及陳志健等，名人許晉亨、無綫高層樂易玲與兒子也有到場。

「當埋佢係女」

早上曾文豪與兄弟團出發接新娘，Vivi穿着中式裙褂，手戴分量十足的龍鳳鈪，非常霸氣，曾文豪見狀即笑言似去打交。兄弟團最初想強行破門而入，但最後都畀足利是。曾文豪在玩新郎環節中非常落力，絕無富豪架子，其中一Part要食有餡尿片，他都沒有假手於兄弟，自己搶住食，還揚言：「我好肚餓！」出盡力終於成功抱得美人歸的他不禁笑說：「發晒滾，依家大汗疊細汗。」其後一對新人跟足傳統，向父母斟茶，當Vivi媽咪將女兒交給曾文豪時，叫他要好好愛錫老婆，再婚兼有三名女兒的曾文豪即豪氣承諾：「會當埋佢係女。」並指最重要長命，才可照顧對方，情話滿分。

曾文豪希望自己健康長命，可以照顧李美慧一世。	一對新人交換戒指後，正式成為夫妻。	曾文豪食到嘴都歪。

老公支持婚後工作

婚禮上，有喜的Vivi換上貼身婚紗，見其腹部微隆。宣讀誓詞時，律師問曾文豪是否願意娶Vivi為妻，他竟忘記答「願意」就讀出誓詞，而Vivi讀畢誓詞即眼濕濕，新郎即在旁笑言這是「最後機會」，場面搞笑又感人。完成儀式後，兩人深情一吻。其後接受訪問時，他們又應記者要求三度咀嘴，非常甜蜜。曾文豪表示女兒及孫女都有到場，問到是否豪派兩億開門利是？他笑言：「佢哋咁講啫！」至於Vivi則指前一晚失眠：「尋日我想令自己眼瞓，仲出海游水，但成晚冇合埋眼。（太緊張？）唔知緊張定興奮，原本諗住現場有好多嘢講，但到嗰刻又講唔出，好彩老公講到。（講誓詞有冇喊？）忍住，但都眼泛淚光。」

懷孕的Vivi表示婚後不會停工，會做到八月，曾文豪說：「佢鍾意做咪做囉。」Vivi聞言即冧爆稱：「我老公好好呀！」