周秀娜生日有人追……殺
藝人周秀娜（Chrissie）昨日踏入33歲，壽星女昨晨要為電影開工，拍攝一場被追殺的戲份，在35度高溫下於戶外奔跑，大汗淋漓，不過她有消暑良方，笑說：「有噴冰涼噴霧外，得閒睇吓啲型男，仲會不停有人萬歲凍飲。」
晨早開工有花收
Chrissie口中的型男，就是一同開工的古天樂、鄭嘉穎和林峯等，他們與劇組很有心思，特別於拍攝空檔擺好蛋糕等Chrissie埋位與她慶祝，而當壽星女許願時，古仔還細心用手擋着蠟燭，免被風吹熄！投資該片的老闆黃百鳴亦送上花束，導演林德祿則領唱生日歌。
問到生日願望，Chrissie希望身體健康、電影大收、長拍長有，提到歲數時她更開玩笑稱不是「29+1」：「Sorry！是『19+1』，哈哈！至於有冇男朋友就睇緣分，自己係佛系，坐喺度就會有。」她坦言目前最希望放假，特別是到天朗氣清的海邊拍戲時，自然很想落水，更想到陽光海灘的地方鬆一鬆。
文：影視組