陶枳樽家有小霸王見罐開眼

東網巨星節目「中英純貓酒店特約」《巨星Pet Pet》，一連六集以貓為主題，陳婉衡、唐貝詩及羅浩銘已先後帶同愛貓出場，今集則有藝人陶枳樽（Crz）為大家介紹兩歲半的布偶貓「喵喵怪」。「喵喵怪」是蕊蕊家中愛貓所生，兩年半前的平安夜送給Crz作聖誕禮物，Crz說：「因為係平安夜帶返嚟嘅關係，我爸爸曾經想改佢個名做『平安』，但我同我妹妹覺得比較Old School，我哋就強行將佢個名叫做『喵喵怪』，即係卡通片《寵物小精靈》入面嘅喵喵怪。」

踎雪櫃前（抓）嘢食

布偶貓個性乖巧，但Crz笑言「喵喵怪」是家中的獅子王，十分頑皮：「可能改咗做『喵喵怪』，佢特別曳、特別惡，又或者因為我哋屋企得一隻貓貓嘅關係，非常百厭！不過佢都有乖嘅時候，例如佢會喺雪櫃面前等嘢食，因為佢啲罐頭都擺喺雪櫃。」Crz話「喵喵怪」亦有「絕技」，就係畀手手！

走開啲啦！好熱呀！	「喵喵怪」示範飯來張口，罐來伸手！	陶枳樽仲有其他愛寵，「喵喵怪」竟然借人哋個天台瞓。

收養蕊蕊個孫

今年兩歲半的布偶貓「喵喵怪」性格百厭好動，深得家人歡心，Crz說：「『喵喵怪』係蕊蕊屋企嘅貓貓所生嘅，蕊蕊屋企有好多貓，好多朋友都知，佢都係其中一隻。」

「喵喵怪」玩Cosplay，可愛到爆！	陶枳樽以罐頭貓糧做蛋糕，為「喵喵怪」慶祝生日。	「喵喵怪」深得蕊蕊養的布偶貓優良基因，夠晒萌！

《巨星Pet Pet》每集請來藝人分享與星級「萌寵」相處之道，寵物類型多樣化，有貓、狗、兔、鸚鵡、龜及蜥蜴等，透過東網App及東網網頁播放，大家可隨時隨地免費收看及重溫。

喵喵怪

年齡：2歲半

性別：雄性

品種：布偶貓

性格：百厭好動

強項：食嘢

飼養年期：2年半

文：專案組