Bosco拉埋苗僑偉做「飛虎」
邵氏網劇《飛虎之潛行極戰》於內地網上點擊率已衝破30億，更打破港劇於內地的點擊收視紀錄，台前幕後已定於本月28日慶功。劇中伍詠薇飾演「娜姐」，與真人同樣豪氣，其角色於男人戲中簡直是萬綠叢中一點紅。之前伍姑娘與演員飯敍期間，以《喝采》一曲唱好此劇，居然給她唱出30億來，當然，一切成果都歸功於台前幕後。她受訪時說：「有咁嘅成績梗係開心，我未試過點擊率嘅威力，我同樂小姐（樂易玲）講，35億都可以到，我哋三五成群，個個都好人！」
梁烈唯「執雞」頻接Job
而此劇隨即開拍第二輯，型爆的「聶Sir」苗僑偉被問到會否因此成績而感到壓力時，他說：「完全冇壓力，我哋嘅團隊只有動力。」黃宗澤（Bosco）則笑言：「真係冇諗過可以有30億！（第二輯又嚟，有乜準備？）依家腦海又諗起着住套飛虎制服，我梗係諗定啲消暑準備啦！下一輯叫埋三哥齊齊做飛虎啦！」而梁烈唯坦言「Kenny」一角令他在內地多了不少工作機會：「好好彩，呢套劇好多人，好似三哥、卓羲、Bosco、吳岱融，啲商戶想搵佢哋做嘢，但佢哋真係好忙、冇期，所以就搵咗我，遲啲得閒真係要平平哋請佢哋食番餐飯呀！」
文：影視組