林盛斌願代受苦：十倍生喺我度
藝人林盛斌（Bob）前晚在網上公開細仔林道申（Jaye）的濕疹病況，並向網民尋求根治方法。眼見心肝寶貝受濕疹嚴重困擾，心痛不已的Bob更揚言：「寧願佢啲濕疹十倍咁生喺我度。」希望為囝囝分擔病情！
Bob與太太Pearl婚後育有三女一子，九個月大的囝囝Jaye今年頻頻生病，多次出入醫院接受治療。前晚，Bob在社交網表示囝囝患上濕疹，並上載其近照，見到Jaye面部及手臂滿布紅疹，情況嚴重，令Bob手足無措，只好尋求網民意見，並揚言：「本身好靚仔嘅細佬突然變到咁，做爸爸嘅真係心痛到一個點……寧願佢啲濕疹十倍咁生喺我度，都唔想見到佢咁陰功！」
多謝靚靚介紹產品
昨日Bob出席「媒仁明星感謝祭」活動宣傳新戲，亦有談及囝囝的濕疹問題，他表示囝囝現時戴上手襪，以免抓傷口，又指三名女兒亦曾有濕疹，但塗上太太親自配製的天然護膚膏便康復。Bob透露不少圈中好友介紹醫生及偏方，令他大為感動：「袁詠儀（靚靚）都Send Message畀我，話介紹啲產品畀我，真係好多謝佢。」
莊思敏賀父壽辰
至於從事殯儀事業、現有份投資兼參與新戲的陳達仁透露，電影以拯救流浪動物為主題，製作成本不高，幸得一班演員相助，他說：「成部戲用咗48萬，所有參與嘅演員都係收封利是幫手，好感動。」又說電影試映時反應不錯，已確定9月上映。同場的莊思敏穿上透視裝現身，她表示下月父親節亦是爸爸的生日，下周將啟程返馬來西亞為父慶祝，計劃請食飯及送上現金為禮。
文：專案組