「港姐公主服」着上身！ 郭羨妮楊思琦：買畀囡囡
今年港姐競選安排於8月舉行，大會主題將以童話為骨幹，更乘勢於big big shop推出「迷你版港姐公主服」，連鑽石后冠加權杖，相信會掀起搶購熱！一眾港姐出身的媽咪級藝員對這個構思非常支持，更希望穿上「母女裝」重溫當年的選美回憶。
2001年港姐冠軍楊思琦育有6歲愛女穎穎，她得悉有兒童版港姐公主服時笑謂：「幾得意喎，相信大人細路都鍾意。我想買番套畀囡囡，佢着會好有親切感，媽咪係港姐嘛，佢讀嘅國際學校成日有特別主題Event，到時着會好靚。我好記得我嗰年港姐主題都係童話，我着住旗袍領獎，後嚟都推出咗Figureo架。」
1999年港姐冠軍郭羨妮同樣大讚：「呢個構思或者可以掀起小朋友夢想參選港姐嘅熱潮，我都會畀套公主裝囡囡睇吓，佢都貪靚。（支持佢大咗參選港姐？）咁要讀好書先，扮靚呢方面佢都好識o架嘞，我唔想佢咁快就咁緊張外表，要培養好內在美先。」至於2003年冠軍曹敏莉則指若推出迷你港姐服飾，亦會買給囡囡試穿。