王馨平踩7吋踭胡渭康雞冠頭應戰
歌手王馨平（Linda）前日在三藩市新落成賭場與歌手胡渭康一同登台演出，不相識的二人，因為身高的話題變得熟落。
身高近5呎9吋的Linda，演出時穿上7吋高踭鞋，更加高人一等，她笑說：「但胡渭康特登梳咗個雞冠頭，原本佢身高已經超過6呎，個髮型睇起嚟應該有10吋，所以仲高過我！（你哋合作有冇火花？）我都有講笑玩吓，話我唔係佢嗰個年代嘅，佢應該出道早過我，所以我應該叫佢Uncle。」現場氣氛很好，有歌迷還派利是給她。今次居於德州的姑姐前來捧場，在當地一間一星米芝蓮餐廳用膳，令Linda大飽口福。
「LL」恤衫愛的秘密
此外，Linda與老公李家輝結婚近17年，自爆老公買包餅已令她感動，向來實際的她最近破例為老公浪漫一次，早前透過時裝設計師丘雪祺的新project-shirt concepts為老公設計了一件恤衫，而她亦有一件作配襯，當中有個獨特「LL」印章，是夫妻間的秘密訊息：「LL有好多重解釋，我叫Linda老公係Lee，即係Linda Lee，又可譯為Love Lee愛我先生嘅意思，又可解作Lovely可愛，可愛梗係講緊我啦，我性格幾可愛！」
文：音樂組