杜汶澤溝台妹5秒搞掂！

藝人杜汶澤昨日為擔任主持的ViuTV節目《走佬去臺灣》作宣傳，他表示在台灣拍攝了一個月，重回26年前避債時的走佬路線，驚訝當年住的木屋已變成議員辦事處！阿澤又指獲節目安排去溝女：「要偷拍我約個女仔食牛扒，我五秒就溝到！明星嚟o架嘛！難怪我老婆（田蕊妮）咁憎ViuTV，哈哈！（咁你最後有冇食到？）有食到塊牛扒，講得清楚啲。」身材愈見健碩的他，揚言目標是50歲去選健美先生。